+354-868 5544 bjorg@bjorgvilhjalms.is

HÚSAFELL

Húsafell er meðal fjölsóttustu ferðamannastaða hér á landi, enda einstök náttúruperla í stórkostlegu landslagi.

Síðasta vetur var ég fengin til að hanna kort sem sýnir gönguleiðir á Húsafelli. Þar voru leiðirnar aðgreindar með litum, heilar línur þar sem leiðir eru stikaðar og punktalínur við óstikaðar leiðir. Kortið er bæði á stórum spjöldum úti í náttúrunni og einnig sem prentgripur sem dreift er á hótelinu, upplýsingamiðstöðinni og í sundlauginni. Í sumar fóru um átta þúsund kort til ferðamanna á Húsafelli og sýnir það mikinn áhuga fólks á að ferðast fótgangandi um landið. Búið er að stika leiðina um Bæjargil upp frá bænum Húsafelli og Oddaleiðina, hringleið sem liggur frá Hótelinu inn í hraunið og að Hundavaðsfossi. Stikur eru á leiðunum með sömu litum og línurnar á kortinu.

Síðan voru gerð skilti við aðkomuna inná svæðið. Appelsínugulur grunnlitur er hluti af heildarútliti Saga Jarðvangs og Húsafell er hluti af því svæði. Saga jarðvangur (Saga Geopark) er landsvæði sem spannar uppsveitir Borgarfjarðar og nær yfir 2.270 km2 svæði .